الأحد، 1 يونيو 2008

52 غصه

اصدقائي و احبائي ,,
اشكر كل من سأل عني و شرفني بزيارته في فترة غيابي و لم يجدني ..

لا اخفي عليكم شوقي لكم و لمدوناتكم الرائعه .. التي طالما استمتعت بتمضية الساعات أقرأ و استفيد من أرائكم و تجاربكم ..
و اشحن النفس ببعض الأمل منكم بكويت تسودها العدالة و التنمية ..انتم قوامها


و لا ادري هل اعلل غيابي بأيام عملي الطويلة المملة أم بالوضع السياسي الذي بدا لي بدون لون او طعم و اختتم بجلسه اليوم بـ 52 غصة للخرافي!


اتمنى من قلبي ان استطيع التغلب على كل الأوضاع -الماصخة- و ان تتفتح قريحتي مجددا ببعض السطور ,,

اما الأن

استأذنكم الرحيل فلم يبقى لي شيء للكتابة عنه ,,

تحياتي

سالم

هناك 12 تعليقًا:

صبا يقول...

هلا والله شخبارك !!وينك !!! كل هذي غصه :(

انزين قولنا انييب لك ماي مقري عليه ياخوي ويغدي شرك ,,,,؛))

يعني انت رديت وما رديت ... !
شالسالفه :(((
المهم انك بخير وصحه وهذا الاهم
والاوضاع السياسيه عندنا خلطه بيطه
والمفروض تكون عندك مناعه من اي احباط سياسي وخصوصا بعد نتائج الانتخابات الاخيره :((

ونورت مكانك ولا توقف تدوين علي الاقل انعرف أخبارك ...وسلم لي علي بومحمد وااااااااايد وقوله اشتقناله وااااااايد :))
تحياتي

Eng.S يقول...

اهلين و سهلين انسه صبا !!

شخبارج؟

لوول


الديرة على بعضها غصه ;))
وبس ماني متكلم سياسة !



انا موجود معاكم ..
لكن التدوين يحتاج مزاج رايئ ..
بحاول ارد.. و اذا ما حصل و ما نفع روس السلوم و القهوة
نطلب منك تحللونا :)

واصل سلامج لأبو محمد :)
مكانه مبين !

دمتي بصحة و عافية
سعدت بشوفتج

rai يقول...

هونها وتهون عزيزي سالم ومرحبا بعودتك
اشتقنا لك ولمقالاتك عزيزي :)

والكتابة تحتاج الى مزاج راييييق
اعتقد بانك تحتاج الى اجازة من الوضع الكئيب بالبلد :)

Eng.S يقول...

اهلين بالصديق العزيز علي

اشتاقتلك العافية

هاينة اخوي ..
هي مجرد حاله ملل و تشبع من التنظيبر و التأطير في الواقع السياسي :)

صدقت.. انا بحاجة لأجازة اخرى مع اني يا دوب راجع من اجازة الشهر الماضي
الظاهر لازم نغير الوجهه ;)

تحياتي
اسعدني مرورك

Kuwait يقول...

الحمدلله عالسلامه ..
والله يبعد الغصات ولو انها قاعده تزيد حسبي الله على العدو ..
فقدنا قلمك طول الفتره الي طافت ..
صج نمر بوضع سياسي لا نحسد عليه ..
بس الشكوى لله ما باليد حيله ..
حياك الله اخوي ..
وولكم باك ..
منور بردتك .. :)
تقبل مروري ..
kuwait

كويــتي لايــعه كبــده يقول...

اخوي سالم كيف حالك

الحمد لله انك بخير. الوقفه الطويله وبالذات آخر بوست خلانا نحاتي بصراحه.

الحاله السياسيه والاجتماعيه والاقتصاديه بعد كلهم ما يدعون بالخير واللي شايفها مثلك منعفس واللي الله سبحانه منعم عليه بالجهل ينام مرتاح.

ودي اقول هونها بس هي مو هينه وبدلا اقول الله يعين على اللي حنا فيه.

ان ابتعدت عن التدوين ما الومك واتمنى لك كل التوفيق وهداوة البال. وان كملت اقول الله يعينك وراح اتابعك بشوق.

الله الموفق يا اخوي ومع الف سلامه

Eng.S يقول...

Kuwait
اهلا فيج اختي العزيزة
والله يسلمج و غاليج من كل شر

ممتنين لج و لمرورج الكريم :)

_____________

الأخ العزيز كويتي

انا بخير و صحه

مثل ما ذكرت لأخوي علي ..هي حالة ملل و تشبع من الوضع السائد
و فرصة لأخذ النفس و مراجعه النفس
وانشاء الله العودة مرة أخرى للتدوين

و ان لم تسمح الفرص بالعودة .. فشرف معرفتكم و زمالتكم و لو لفترة قصيرة يكفينا و يشرفنا

اسعدني رؤيتك هنا

Eng_Q8 يقول...

اشرب ماي

Eng.S يقول...

احلف ؟

Eng_Q8 يقول...

والله

Shaima'a Alkandari يقول...

اهلا ازيك


عامل ايه ياخووووويه

واخيرا رديت زين يبه نورتنا من يديد

تدرى طالت الغيبه وايد موشويه

خلك ويانا واتحفنا بيديدك

وريح بالك

MFTELET يقول...

na6reeenk